பிரனிதி மற்றும் குடும்பத்தினருடனான எனது முதல் சந்திப்பு மறக்க முடியாதது.  பிரனிதிக்குச் சிறந்த குரல் வளம் இருப்பதாக உலகம் அறிந்திருந்தபோது இளம் வயதில் அவர் YouTube இல் பாடல்களைப் பாடுவதைப் பார்க்கையில் அவரது உணர்வாளும் திறமையையையும் என்னால் கவனிக்காமல் இருக்க முடியவில்லை.

​​

பலவிதமான உணர்ச்சிகளை சிரமமின்றித் தனக்குள்ளிருந்து கொண்டு வரும் பிரனிதியின் அசாதாரணத் திறனை ஒவ்வொரு வீடியோவைப் பார்க்கும் போதும் உணர்ந்தேன்.  அந்தத் தருணங்களில், நான் ஒரு பாடகியை மட்டுமல்ல! பார்க்கும், தன் குரல் கேட்கும் யாரையும், அன்பு கலந்த உற்சாகத்தால் கட்டிப் போடும் திறன் கொண்ட ஒரு சகலகலா வல்லியைப் பார்த்தேன்.

​

வீட்டில் காலடி எடுத்து வைத்ததும், பிரனிதியின் அம்மாவும் அப்பாவும் என்னை அன்புடன் வரவேற்றனர். என்னைப் பார்த்ததும் கண்களில் பிரகாசத்துடன், "மாமா! நான் உங்களுக்காக இந்தப் பாடலை பியானோவில் வாசிக்கப் போகிறேன்" என்றார், பிரனிதி.

​

பியானோவில் அமர்ந்த பிரனிதியின் விரல்கள் நடனமிட, அவர் அப்பா, "இரண்டு மாதங்களுக்குப் பிறகு அவள் பியானோவைத் தொடுகிறாள்,"  என்று சொல்ல, அந்தத் தருணத்தில், நான் ஒரு திறமையான கலைஞரின் ரசிகன் என்ற நிலை தாண்டி, மனதின் எல்லைகளைத் தாண்டிய எங்கள் இரு இதயங்களின் இணைப்பைக் கண்டேன் - பகிர்ந்து கொள்ளப்பட்ட மகிழ்ச்சி மற்றும் பாசத்தின் மொழியில் மெளனமாக உருவான இணைப்பே அது.

​​​

முதலில் - பிரனிதி நான் எழுதிய பாடலைத் தன் குரலால் உயிர்ப்பிக்க வேண்டும் என்ற மறக்க முடியாத மகிழ்ச்சியாக இருந்த, ஆங்கிலத்தில் நான் எழுதிய பாடலின் பதிவுடன் எங்கள் படைப்புப் பயணம் தொடங்கியது. 4 கோடி தடவை பார்க்கப்பட்ட பிரனிதியின் "கண்ணான கண்ணே" விஸ்வாசம் படப் பாடலைப்  பிரனிதி YOUTUBE இல் பாடியது நான் சிந்தித்துக் கொண்டிருந்த 'தந்தை-மகள்' அன்பையே படமாக்கலாம் என்று என் முடிவுக்கு ஒரு முற்றுப்புள்ளி வைத்தது.  ஒரு மகளுக்கும் அவளுடைய தந்தைக்கும் இடையில் பகிர்ந்து கொள்ளப்பட்ட மென்மையான அன்பு, காதல், குடும்ப உறவுகள் மற்றும் மனித உறவுகளில் மன வேறுபாடுகள், அதனால் வரும் சோதனைகள், சோதனைகளை வெல்லப் போட்டி போடும் அப்பா, மகள் என,  காட்சிக்கு காட்சி வேகமாக நகரும் திரைப் படமாக மலர்ந்துள்ளது நமது படம்.